இந்தியா செய்திகள் தேர்தல் 2021 முக்கியச் செய்திகள்

மேற்கு வங்கத்தில் 4-ம் கட்ட தேர்தல் நாளை தொடக்கம்!

மேற்கு வங்கத்தில் நான்காம் கட்ட தேர்தல் பரப்புரை நேற்றுடன் ஓய்ந்த நிலையில், நாளை வாக்குப்பதிவுக்கான முன்னேற்பாடு பணிகள் தீவிரமாக நடைபெற்று வருகின்றன.

மேற்குவங்கத்தில் உள்ள 294 சட்டப்பேரவை தேர்தல் கடந்த மார்ச் 27-ம் தேதி தொடங்கி ஏப்ரல் 29 வரை 8 கட்டங்களாக நடைபெற்று வருகிறது. மேற்குவங்க மாநிலத்தில் இதுவரை 3 கட்டமாக 91 தொகுதிகளில் வாக்குப்பதிவு முடிந்துள்ளது. 4-ம் கட்டமாக 5 மாவட்டங்களில் உள்ள 44 தொகுதிகளில் நாளை வாக்குப்பதிவு நடைபெறுகிறது. இந்த தொகுதிகளில் மொத்தம் 373 வேட்பாளர்கள் களத்தில் உள்ளனர். 4-ம் கட்ட தேர்தலை சந்திக்கும் தொகுதிகளில் பாஜக, காங்கிரஸ்- இடதுசாரிகள் கூட்டணி, திரிணமூல் காங்கிரஸ் உள்ளிட்ட கட்சி தலைவர்கள் தீவிர வாக்கு சேகரிப்பில் ஈடுபட்டனர்.

இந்நிலையில் நேற்று 4-ம் கட்ட தேர்தலை சந்திக்கும் 44 தொகுதிகளிலும் பரப்புரை ஓய்ந்த நிலையில் வாக்குப்பதிவுக்கான ஆயத்த பணிகள் தொடங்கியுள்ளன. ஏற்கனவே 2-ம் கட்ட வாக்குப்பதிவின்போது நந்திகிராம் தொகுதியில் சில பகுதிகளில் வன்முறை ஏற்பட்டது. இதன்காரணமாக நாளை நடைபெறும் 4-ம் கட்ட வாக்குப்பதிவு நடைபெறவுள்ள 44 தொகுதிகளிலும் உள்ள 15 ஆயிரத்து 940 வாக்குச்சாவடிகளில் போலீசார் தீவிர பாதுகாப்பு பணியில் ஈடுபட்டுள்ளனர். ஒவ்வொரு வாக்குச்சாவடியிலும் மத்திய ஆயுத காவல் படையினருக்கு ஆதரவாக மாநில காவல் துறையினரும் பாதுகாப்பு பணியில் ஈடுபடுத்தப்பட்டனர்.

Advertisement:

Related posts

“திமுகவில் குடும்ப உறுப்பினருக்கு மட்டுமே பதவி”-எம்.ஆர்.விஜயபாஸ்கர்

Jeba

ஹரியானா மாநில முதலமைச்சர் பங்கேற்க இருந்த நிகழ்ச்சி மேடையை சூறையாடிய விவசாயிகள்!

Jeba

ஏழை மக்களுக்கு சொந்தமாக நிலம் வாங்கி கான்கிரீட் வீடு கட்டப்படும்: முதல்வர்!

Ezhilarasan