இந்தியா செய்திகள் முக்கியச் செய்திகள்

பிரதமர் மோடி இந்தியாவின் எல்லைப் பகுதியை சீனாவிடம் விட்டுக் கொடுத்துவிட்டார் – ராகுல் காந்தி

லடாக் எல்லையில் உள்ள இந்திய பகுதி, சீனாவிற்கு விட்டுக் கொடுக்கப்பட்டிருப்பதாக காங்கிரஸ் கட்சி முன்னாள் தலைவர் ராகுல் காந்தி குற்றம் சாட்டியுள்ளார்.

இதுகுறித்து காங்கிரஸ் கட்சியின் முன்னாள் தலைவரும் நாடாளுமன்ற உறுப்பினருமான ராகுல் காந்தி டெல்லியில் செய்தியாளர்களை சந்தித்தார்.

அப்போது அவர் கூறியதாவது, கிழக்கு லடாக் எல்லையில் உள்ள நிலவரம் தொடர்பாக, மாநிலங்களவையில் பாதுகாப்புத்துறை அமைச்சர் ராஜ்நாத் சிங் வெளியிட்ட அறிக்கையில், பிங்கர் நான்கு பகுதியிலிருந்து பிங்கர் மூன்று பகுதிக்கு, நமது படைகள் நிலை நிறுத்தப்படுவதாக தெரிவிக்கப்பட்டுள்ளதாகக் கூறினார். பிங்கர் நான்கு பகுதி, நமது நாட்டின் பகுதி என்று குறிப்பிட்டுள்ள ராகுல் காந்தி, அதனை ஏன், சீனாவுக்கு விட்டுக்கொடுக்க வேண்டும் எனக் கேள்வி எழுப்பியுள்ளார்.

இது தொடர்பாக பிரதமர் நரேந்திர மோடி நாட்டு மக்களுக்கு பதிலளிக்க வேண்டும் என்றும் அவர் வலியுறுத்தியுள்ளார். பிரதமர் நரேந்திர மோடி துணிச்சல் மிக்கவர் அல்ல என்றும், அவரால் சீனாவுக்கு எதிராக நிற்க முடியாது என்றும் ராகுல் விமர்சித்தார். ராணுவ வீரர்களின் தியாகத்தை மோடி அவமதித்துவிட்டதாகவும், அந்த தியாகத்திற்கு துரோகம் இழைத்துவிட்டதாகவும் ராகுல் காந்தி விமர்சித்துள்ளார்.

Advertisement:

Related posts

பெண்களுக்கான சிறந்த இடம் சென்னை: ஐஐடி மும்பை நடத்திய ஆய்வில் தகவல்!

Dhamotharan

சூடானது தேர்தல் களம்: விண்ணப்ப விநியோகம் தொடங்கியது

Niruban Chakkaaravarthi

கடின உழைப்பை செலுத்திய விஞ்ஞானிகளுக்கு பிரதமர் மோடி வாழ்த்து!

Niruban Chakkaaravarthi

Leave a Comment