செய்திகள் முக்கியச் செய்திகள்

பிரதமர் உட்பட 7 மத்திய அமைச்சர்கள் , 2 மாநில முதலமைச்சர்கள் தமிழகத்தில் வாக்கு சேகரிப்பு!

தமிழக சட்டப் பேரவை தேர்தல் பாஜக போட்டியிடும் 20 தொகுதிகளில் தேர்தல் பிரச்சாரம் மேற்கொள்ள பிரதமர் மோடி உட்பட 7 மத்திய அமைச்சர்கள் , 2 மாநில முதலமைச்சர்கள் என 30 பேர் பாஜக மற்றும் கூட்டணி கட்சி வேட்பாளர்களுக்காக வாக்கு சேகரிக்க உள்ளனர்,

தமிழக சட்டப்பேரவை தேர்தல் அடுத்த மாதம் 6ம் தேதி நடைபெறவுள்ள நிலையில் அ.தி.மு.க தலைமையிலான கூட்டணியில் அங்கம் வகிக்கும் பாரதிய ஜனதா கட்சி 20 தொகுதியில் போட்டியிடுகிறது. பா.ஜ.க வேட்பாளர்கள் இறுதி பட்டியல் நேற்று வெளியான நிலையில் அக்கட்சி பிரச்சாரத்தை தீவிரப்படுத்தியுள்ளது. அதன்படி, தமிழக சட்டப்பேரவை தேர்தல் மற்றும் கன்னியாகுமரி மக்களவை இடைத்தேர்தலில் வாக்கு சேகரிக்க 30 பேர் கொண்ட நட்சத்திர பரப்புரையாளர்கள் பட்டியலை பாரதிய ஜனதா கட்சியின் தலைமையகம் இன்று வெளியிட்டுள்ளது.

அதில், இந்திய பிரதமர் நரேந்திர மோடி, பா.ஜ.க தேசிய தலைவர் ஜெ.பி. நட்டா, மத்திய பாதுகாப்புத்துறை அமைச்சர் ராஜ்நாத் சிங், மத்திய உள்துறை அமைச்சர் அமித்ஷா, மத்திய சாலை மற்றும் போக்குவரத்துதுறை அமைச்சர் நிதின் கட்கரி, மத்திய நிதி அமைச்சர் நிர்மலா சீதாராமன் , மத்திய வெளியுறவுத்துறை அமைச்சர் ஜெய்சங்கர் , மத்திய வேளாண் இணை அமைச்சர் கிஷன் ரெட்டி, உத்தரபிரதேச மாநில முதல்வர் யோகி ஆதித்யநாத் , மத்திய பிரதேச மாநில முதலவர் சிவராஜ் சிங் சவுகான் உள்ளிட்ட 30 பேர் கொண்ட பட்டியல் வெளியிடபட்டுள்ளது.

Advertisement:

Related posts

திமுக – காங்கிரஸ் இடையேயான முதற்கட்ட பேச்சுவார்த்தை நிறைவு!

Ezhilarasan

தமிழகத்தில் தேர்தலை முன்கூட்டியே நடத்த வாய்ப்பில்லை: தலைமை தேர்தல் அதிகாரிசத்யபிரதா சாஹூ

Saravana

இந்தியப் பயணிகளுக்கு நியூசிலாந்தில் அனுமதி இல்லை

Gayathri Venkatesan